2019 ~ ចំការដំណាំ

គួរដឹង! មកស្គាល់ផ្កាតំណាងប្រទេសទាំង ១០ ក្នុងតំបន់អាស៊ាន

August 19, 2019 No comments

គួរដឹង! មកស្គាល់ផ្កាតំណាងប្រទេសទាំង ១០ ក្នុងតំបន់អាស៊ាន

ក្នុងចំណោមប្រទេសទាំង១០ ដែលសមាជិកសហគមប្រជាជាតិអាស៊ីអាគ្នេយ៍ហៅកាត់ថា អាស៊ាន សុទ្ធតែមានផ្កាតំណាងជាតិរបស់ខ្លួន ក្រៅពីទង់ជាតិ ភ្លេងជាតិ សំលៀកបំពាក់ អាហារ ភាសាជាដើម។ ខាងក្រោមនេះ ជាការលើកឡើងដោយសង្ខេបខ្លីៗ ពីអត្ថន័យ នៃផ្កាតំណាងជាតិរបស់ប្រទេសនីមួយ ក្នុងចំណោម១០ប្រទេសដូចខាងក្រោមនេះ៖

១. ប្រទេសថៃ
ផ្ការាជព្រឹក្ស គឺជាផ្កាតំណាងជាតិ។ ផ្ការាជព្រឹក្សមានពណ៌លឿងស្រស់ស្អាត ពេលផ្ការីកដើមនឹងជម្រុះស្លឹកចោលសល់តែផ្កាពណ៌លឿងពេញដើម។ ជនជាតិថៃចាត់ទុកថា ដើមរាជព្រឹក្សជាដើមឈើមង្គល និងត្រូវគេប្រើក្នុងពិធីសំខាន់ៗ ដូចជា៖ យកទៅធ្វើជាសសរស្ដម្ភ ដាំក្នុងផ្ទះដើម្បីភាពចម្រុងចម្រើនរុងរឿង មានកេរឈ្មោះ កិត្តិយស ដោយត្រូវគេស្គាល់ជាទូទៅក្នុងប្រទេសថៃ និងដាំតាមផ្លូវជាច្រើន។

២. ប្រទេសម៉ាឡេស៊ី
ផ្កាតំណាងជាតិ ផ្ការំយោល ភាសាម៉ាឡេយូ មានន័យថា Bunga raya អានថា ប៊ុងង៉ា-រ៉ាយ៉ ឬប៊ុងង៉ារ៉ាយ៉ា។ ផ្ការំយោលបានទទួលរហស្សនាមថា ជារាជនីនៃផ្កាក្រុងក្ដៅ ជាតំណាងឲ្យគោលការណ៍ទាំង៥ នៃភាពជាជាតិនិយមរបស់ប្រទេសម៉ាឡេស៊ី ដែលជាគោលការណ៍នៃការកសាងជាធ្លុងមួយ និងភាពអត់ធ្មត់ក្នុងជាតិ អាចឃើញទូទៅក្នុងប្រទេសម៉ាឡេស៊ី និងប្រទេសជាច្រើនទៀត។

៣. ប្រទេសហ្វីលីពីន
ផ្កាតំណាងជាតិ ផ្កាម្លិះសាំប៉ាហ្គីតា (Sampaguita Jasmine or arabian Jasmine) មានស្រទាប់ផ្កាពណ៌ស និងមានផ្កាគ្រប់រដូវពេញមួយឆ្នាំ។ ជនជាតិហ្វីលីពីន មានជំនឿថា ផ្កាប្រភេទនេះគឺជានិមិត្តរូប នៃភាពបរិសុទ្ធ ភាពសាមញ្ញ ឱនលំទោន និងរឹងមាំ។

៤. ប្រទេសសិង្ហបុរី
ផ្កាតំណាងជាតិ ផ្កាអ័រគីដេ Vanda Miss Joaquim ផ្កាអ័រគីដេ ដែលត្រូវបានគេស្គាល់ជាទូទៅ ក្នុងប្រទេសសិង្ហបុរី ដោយផ្កានេះត្រូវបានដាក់ឈ្មោះតាមអ្នកផ្សាំពូជផ្កានេះ គឺ Miss Agness Joaquim។ ផ្កាអ័រគីដេនេះ ជាពូជផ្កាផ្សំរវាង Vanda teress ណិង Vanda Hookeriana ចេញផ្កាពេញមួយឆ្នាំ យើងអាចឃើញបានជាទូទៅក្នុងប្រទេសសិង្ហបុរី។

៥. ប្រទេសឥណ្ឌូណេស៊ី
ផ្កាអ័រគីដេរាត្រី ជាផ្កាតំណាងជាតិ នៃប្រទេសមួយនេះ។ ផ្កាអ័រគីដេរាត្រី ឬ Moon Orchid ជាផ្កាអ័រគីដេអម្បូរ Phalaenopsis និងជាផ្កាមួយក្នុងចំណោមផ្កាអ័រគីដេ ដែលរីកបានយូរ។ ផ្កាមួយមែកអាចនៅបានយូរពី២-៦ខែ និងអាចធំបានល្អក្នុងអាកាសធាតុសើម។ គេអាចមើលឃើញជាទូទៅនៅក្នុងតំបន់ទំនាបរបស់ប្រទេសឥណ្ឌូណេស៊ី។

៦. ប្រទេសប្រ៊ុយណេ
ផ្កាតំណាងជាតិ គឺផ្កា Simpor ដែលជាផ្កាក្នុងតំបន់ និងជាផ្កាដែលមានស្រទាប់ធំៗពណ៌លឿង។ លក្ខណៈពិសេសរបស់វា នៅពេលរីកអស់មានទ្រង់ទ្រាយស្រដៀងនឹងឆត្រ ហើយអាចមើលឃើញតាមមាត់ទន្លេទូទៅក្នុងប្រទេសប្រ៊ុយណេ។

៧. ប្រទេសវៀតណាម
ផ្កាឈូក គឺជាផ្កាតំណាងជាតិ។ ជាផ្កាដែលជនជាតិវៀតណាម ចាត់ទុកថា ជាពូជផ្កាដ៏ស្រស់ស្អាត អាចមើលឃើញជាទូទៅនៅតាមប្រភពទឹកក្នុងប្រទេសវៀតណាម។ សម្រាប់ជនជាតិវៀតណាមផ្កាឈូក គឺជានិមិត្តរូបនៃភាពបរិសុទ្ធ សម្ពន្ធភាព និងការមើលឃើញក្នុងផ្លូវវិជ្ជមាន។ ម្យ៉ាងផ្កាឈូជាផ្នែកមួយ នៃវប្បធម៌វៀតណាម មាននៅក្នុងស្ថាបត្យកម្មផ្សេងៗ និងត្រូវនិយាយដល់ក្នុងកំណាព្យ ចម្រៀងប្រពៃណីរបស់វៀតណាមទៀតផង។

៨. ប្រទេសឡាវ
ផ្កាតំណាងជាតិ គឺផ្កាចំប៉ី (Frangipani, Pagoda tree, Temple tree) ជានិមិត្តរូបប្រទេសឡាវ មានច្រើនពណ៌ ដូចជា៖ ពណ៌ស ពណ៌ក្រហម និងពណ៌ផ្កាឈូក។ ជាផ្កាតំណាងឲ្យភាពស្មោះត្រង់ និងសេចក្ដីសុខ។ ដូច្នេះហើយទើបជនជាតិឡាវចូលចិត្ត ប្រើតុបតែងក្នុងពិធីផ្សេងៗ ឬធ្វើជាកម្រងផ្កាដើម្បីស្វាគមន៍ភ្ញៀវ។ ផ្កាចំប៉ីចេញផ្កាពេញមួយឆ្នាំ និងរស់បានយូរ ទើបត្រូវគេដាំយ៉ាងច្រើន ជាពិសេសក្នុងបរិវេណវត្តអារាម។

៩. ប្រទេសមីយ៉ាន់ម៉ា
ផ្កាតំណាងជាតិ គឺផ្កា Padauk ចេញផ្កានៅរដូវភ្លៀង ដែលជាពេលវេលាចូលឆ្នាំថ្មីរបស់ប្រទេសមីយ៉ាន់ម៉ា។ នៅពេលផ្ការីកដើមរបស់ផ្កា Padauk នឹងមានផ្កាពណ៌លឿងពេញទាំងដើម ដោយជនជាតិមីយ៉ាន់ម៉ា មានជំនឿថា ដើមរបស់វា ជានិមិត្តរូបនៃភាពរឹងមាំ និងភាពអត់ធ្មត់។ ផ្កាប្រភេទនេះនៅមានន័យចំពោះយុវវ័យ និងក្ដីស្រលាញ់ទៀតផង។ ជាផ្កាដែលខ្វះមិនបានទេ ក្នុងពិធីប្រពៃណីចាងសាសនា ទើបឃើញមានច្រើនក្នុងប្រទេសមីយ៉ាន់ម៉ា។ ម្យ៉ាងទៀតដើមរបស់វា អាចយកមកធ្វើជាតុ ទូ បានទៀតផង។

១០. ប្រទេសកម្ពុជា
ចំពោះកម្ពុជា បានជ្រើសរើសផ្ការំដួល ( Romduol, Devil tree, White Cheesewood) ជាផ្កាតំណាងឲ្យជាតិខ្លួន។ ជាផ្កាមានពណ៌ស និងពណ៌លឿងនៅលើផ្កាតែមួយ ហើយចោលក្លិនក្រអូបប្រហើរ ស្រាលស្រទន់ នៅពេលល្ងាច។ ក្នុងអតីតកាលនៃដែនដីអច្ឆរិយនេះ ក្លិនក្រអូបផ្ការំដួលត្រូវបានប្រៀបប្រដូចទៅនឹងស្ត្រីខ្មែរ។ ដើមផ្ការំដួលមានកម្ពស់ ៨-១២ម៉ែត្រ ឃើញទូទៅក្នុងប្រទេសកម្ពុជា និយមដាំនៅក្នុងសួនច្បារសាធារណៈ៕

ចេកអំបូងលឿងកម្ពុជា ដែលនាំចេញទៅកាន់ទីផ្សារចិន កំពុងទទួលបានការគាំទ្រយ៉ាងខ្លាំងពីប្រជាជនចិន

July 25, 2019 No comments

( ភ្នំពេញ CAMBODIA ) ៖
លោក លី អាន ទីប្រឹក្សាសេដ្ឋកិច្ច និងពាណិជ្ជកម្មប្រចាំស្ថានទូតនៃសាធារណរដ្ឋប្រជាមានិតចិន នៅថ្ងៃទី២៤ ខែកក្កដា ឆ្នាំ២០១៩នេះ បានបញ្ជាក់ឲ្យដឹងថា ចេកអំបូងលឿងរបស់ប្រទេសកម្ពុជា ដែលបាននាំចេញទៅកាន់ទីផ្សារប្រទេសចិន កំពុងតែទទួលបានការគាំទ្រយ៉ាងខ្លាំងពីប្រជាជនចិន។

ការបញ្ជាក់បែបនេះរបស់លោក លី អាន ទីប្រឹក្សាសេដ្ឋកិច្ច និងពាណិជ្ជកម្មប្រចាំស្ថានទូតចិន បានធ្វើឡើងក្នុងឱកាសដែលចូលជួបសម្ដែងគួរសម

និងជម្រាបលាលោក វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បន្ទាប់ពីលោក បានបញ្ចប់បេសកកម្មនៅ កម្ពុជា និងណែនាំលោក Wu Guoquan ដែលនឹងមកបំពេញ ភារកិច្ចជំនួសលោកវិញ។ជំនួបខាងលើនេះ រៀបចំធ្វើឡើងនៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃពុធ០៨រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៤ ខែកក្កដា ឆ្នាំ២០១៩។លោករដ្ឋមន្ត្រី វេង សាខុន បានផ្ញើជូនប្រជាជន និងរដ្ឋាភិបាលចិន នូវអំណរអរគុណជាអនេក ចំពោះការជួយឧបត្ថម្ភ គាំទ្រដល់ការអភិវឌ្ឍប្រទេសកម្ពុជា ឲ្យមានការរីកចម្រើន និងជាពិសេស តាមរយៈគោលនយោបាយខ្សែក្រវាត់មួយ ផ្លូវមួយរបស់រដ្ឋាភិបាលចិន បានជួយឧបត្ថម្ភ គាំទ្រដល់ការកសាងហេដ្ឋារចនាសម្ព័ន្ធគមនាគមន៍សំខាន់ៗ ការធ្វើពាណិជ្ជកម្មរវាងប្រទេសទាំងពីរ។

លោករដ្ឋមន្ដ្រីបន្ដថា វិស័យកសិកម្ម រដ្ឋាភិបាលចិនបានសម្រេចបង្កើនកូតា នាំចូលអង្ករកម្ពុជាទៅកាន់ទីផ្សារចិន ដល់ទៅ៤០ម៉ឺនតោន ហើយថ្មីៗ បានអនុញ្ញាតឲ្យកម្ពុជានាំចេញចេកអំបូងលឿង ឆ្ពោះដោយត្រង់ទៅកាន់ទីផ្សារចិនផងដែរ។លោករដ្ឋមន្រ្តីក៏បានស្នើឲ្យភាគីចិន សហការជាមួយក្រសួង និងគ្រប់ភាគីពាក់ព័ន្ធពិនិត្យ និងជំរុញចំពោះការនាំចេញផលិតផលពោតពីកម្ពុជា។លោករដ្ឋមន្ត្រីសង្ឃឹម និងជឿជាក់ថា តាមរយៈចំណងសាមគ្គីភាពមិត្តភាព និងកិច្ចសហប្រតិបត្តិការ គ្រប់ជ្រុងជ្រោយរវាងប្រជាជន និងរាជរដ្ឋាភិបាលនៃប្រទេសទាំងពីរ កម្ពុជានឹងទទួលបានអត្ថប្រយោជន៍ជាច្រើនថែមទៀតដើម្បីកសាង និងអភិវឌ្ឍប្រទេស។

លោក លី អាន បានសម្តែងនូវអំណរគុណ ចំពោះពេលវេលារបស់លោករដ្ឋមន្រ្តី ដែលបានអនុញ្ញាតឲ្យលោក និងក្រុមការងារចូលជួបនាពេលនេះ និងជាពិសេសចំពោះកិច្ចសហការយ៉ាងល្អប្រសើរ ដែលលោករដ្ឋមន្ត្រី និងសហការី បានផ្តល់ឲ្យលោក ក្នុងឱកាសដែលលោកបំពេញបេសកកម្មនាពេលកន្លងមក។លោក លី អាន ក៏បានសារទរចំពោះការនាំចេញចេកអំបូងលឿងទៅកាន់ទីផ្សារចិន ហើយបានបញ្ជាក់ថា កំពុងទទួលបានការគាំទ្រយ៉ាងខ្លាំងពីប្រជាជនចិន។

លោកថា ក្រៅពីនេះការសិក្សាអំពីនីតិវិធីច្បាប់ និងបច្ចេកទេស ដើម្បីធ្វើការនាំចេញផ្លែស្វាយ និងមានទៅកាន់ទីផ្សារចិន គឺភាគីទាំងពីរ បាននិងកំពុងចរចារយ៉ាងសកម្ម ហើយសង្ឃឹមថា នឹងអាចចាប់ផ្តើមធ្វើការនាំចេញ កសិផលទាំងនោះ ក្នុងពេលឆាប់ៗខាងមុខនេះ។ ចំពោះផ្លែស្រកានាគ ម្រេច និងទឹកមាត់ត្រចៀកកាំ គឺកំពុងរៀបចំឯកសារបច្ចេកទេស និងត្រៀមធ្វើការចរចារ។

លោក លីអាន សង្ឃឹម និងជឿជាក់ថា កិច្ចសហការនេះនឹងត្រូវបន្តបង្កើន និងពង្រឹងបន្ថែមទៀត ក្នុងអាណត្តិរបស់លោក Wu Guoquan និងសហការី ដោយភាគីចិនគាំទ្រ និងបន្តផ្តល់ការគាំទ្រដល់ក្រសួង ដើម្បីអភិវឌ្ឍន៍វិស័យកសិកម្មនៅកម្ពុជា៕

ចម្ការក្រញូងរាប់ម៉ឺនដើម ត្រៀមលេចរូបរាងនៅកម្ពុជាសម្រាប់បងប្អូនកម្ពុជាទាំងអស់គ្នា

July 24, 2019 No comments

យោងតាមការប្រកាសក្នុងសន្និកាសែតរបស់ ក្រុមហ៑ុន ហង្សម្ចាសដី ឌីវេឡុបមុិន ឯ.ក កាលពីថ្ងៃទី២៤ កក្កដា ឆ្នាំ២០១៩ បានអះអាងថាក្រុមហ៑ុនយក្សផ្នែកកសិកម្មមួយនេះ កំពុងបណ្ដុះពូជ និងចុះដាំកូនក្រញូងជាចម្ការធំៗនៅខេត្តកំពតជាច្រើនរយហិកតារ។ ក្រុមហ៑ុននេះបានទាំងប្រកាសថា នឹងធ្វើអោយកម្ពុជា ក្លាយជាទីផ្សារនាំចេញ និងផ្គត់ផ្គង់ក្រញូងទ្រង់ទ្រាយធំមួយ នៅ១៥ឆ្នាំក្រោយនោះផង។

លោក ហង្ស ព្រីន្សយ៉ា អគ្គនាយកក្រុមហ៑ុនហង្សម្ចាស់ដី បានថ្លែងក្នុងសន្និសីទថា ចាប់ពីរដូវធ្លាក់ភ្លៀងនេះតទៅ ក្រុមហ៑ុនហង្សម្ចាស់ដីនឹងឈូសឆាយដីចម្ការដែលខ្លួនទិញបានពីពលរដ្ឋប្រមាណជាង១០០គ្រួសារនៅស្រុកវាលវែង ក្នុងខេត្តពោធសាត់ អោយក្លាយជាចម្ការក្រញូងទ្រង់ទ្រាយធំ បន្ថែមពីលើចម្ការដូងក្រអូប និងចម្ការធុរ៉េន ដែលខ្លួនបានកំពុងពន្លឿនការឈូសឆាយ និងដាំដុះ បានជាច្រើនហិកតាហើយនោះ។ ក្រញូងដែលត្រូវបានក្រុមហ៑ុនចុះដាំនេះ ទី១ដាំជារបងជុំវិញផ្ទៃដីចម្ការដូងក្រអូប ចម្ការមាន និងចម្ការផ្សេងៗ របស់អតិថិជន ដើម្បីជាកាដូចែលជូនដល់ម្ចាស់ចម្ការទាំងនោះទុកជាទ្រព្យតកូនចៅនៅ១៥ឆ្នាំក្រោយ និងទី២ គឺដាំនៅលើផ្ទៃដីដែលបានគ្រោងទុក ដើម្បីបង្កើតជាចម្ការក្រញូងជាហិកតារៗតែម្ដង ដើម្បីធ្វើអោយកម្ពុជាក្លាយជាប្រទេសដែលមានក្រញូងស្របច្បាប់ សម្រាប់ផ្គត់ផ្គង់ទីផ្សារ ក្នុង និងក្រៅស្រុក នៅ១៥ឆ្នាំក្រោយ ដោយនឹងធ្វើអោយរដ្ឋមានចំណូលពន្ធផង ពីការនាំចេញ។ ចម្ការក្រញូងនេះ ក្រុមហ៑ុនដាំដុះជាទំហំកន្លះហិកតារ និងមួយហិកតារ ដោយប្រកាសលក់ពីតម្លៃ២៥០០០ រហូតដល់៥មុឺនដុល្លារ ក្នុងមួយហិកតារ ខណៈដែលក្រុមហ៑ុនក្រៅពីផ្ដល់ឱកាសអោយអតិថិជនបង់រំលោះរហូតដល់១៥ឆ្នាំ ក៍មានកុងត្រាធានាថែទាំក្រញូងអោយដល់១៥ឆ្នាំ និងធានាទិញវិញក្នុងតម្លៃមួយហិកតារយ៉ាងតិច៣០មុឺនដុល្លារក្នុងក្រញូង១ហិកតារផងដែរ ប្រសិនបើម្ចាស់ចម្ការចង់លក់ក្រញូងដោយផ្ទាល់អោយក្រុមហ៑ុន។ លោកថាចម្ការក្រញូង នឹងត្រូវបានដាំតែនៅខេត្តពោធសាត់ ឩត្តរមានជ័យ សៀមរាប និងព្រះវិហារប៉ុណ្ណោះ ប៉ុន្តែគម្រោងឈូសឆាយ និងដាំដុះ នឹងធ្វើលើខេត្តពោធសាត់មុន ហើយកត់សម្គាល់ឃើញថា មានអតិថិជនចាប់អារម្មណ៍កក់ទិញច្រើន ព្រោះគឺជាកំណប់ទ្រព្យនៅរង្វង់១៥ឆ្នាំក្រោយ។

លោកហុំ ហាក់ ប្រធានគ្រប់គ្រងគម្រោងផ្នែកលក់ បានអះអាងថា គម្រោងដាំដុះចម្ការជាចម្ការក្រញូង មិនត្រឹមតែធ្វើអោយក្រុមផ្នែកលក់របស់ពួកលោក ដែលមានឈ្មោះ ក្រុម Eco Hero ទទួលបានជោគជ័យខ្ពស់ ក្នុងការទាក់ទាញទីផ្សារនោះទេ ប៉ុន្តែក៍នឹងជួយអោយប្រទេសកម្ពុជា ក្នុងពេលដ៍ខ្លី ក្លាយជាប្រទេសដែលមានចម្ការក្រញូងស្របច្បាប់ជាទ្រង់ទ្រាយធំ ដូចគ្នានឹងនៅវៀតណាម និងប្រទសមួយចំនួនផងដែរ។

លោក អាន យ៉េន តំណាងសួនបណ្ដុះកូនឈើ Life Gro. បានថ្លែងបញ្ជាក់ថា ក្រុមហ៑ុនហង្សម្ចាស់ដី បានកុម្ម៉ង់កូនក្រញូងរបស់លោកក្នុងប៉ុន្មានសប្ដាហ៍មិនក្រោមជាង២មុឺនដើមនោះទេ ខណៈដែលលោកត្រូវកុងត្រាបណ្ដុះកូនផ្ដល់ក្រញូងអោយក្រុមហ៑ុន អោយបានជាង១លានដើម សម្រាប់គម្រោងដំបូងនៅខេត្តពោធសាត់។ លោកថាពូជក្រញូងដែលលោកយកមកបណ្ដុះគ្រាប់ផ្គត់ផ្គង់ដល់ក្រុមហ៑ុនហង្សម្ចាស់ដីនេះ គឺជាពូជក្រញូងហៃណាន ដែលយកគ្រាប់មកពីចិន និងជាប្រភេទក្រញុងដែលមានខ្លឹម និងមុខកាត់យ៉ាងហោង៣តឹកកន្លះនៅ១៥ឆ្នាំក្រោយ។ ពូជនេះមួយដើមត្រូវបានឈ្មួញទិញយ៉ាងហោច១ពាន់ដុល្លារ ទើបលោកយល់ថាក្នុងមួយហិកតារ ដែលក្រុមហ៑ុនដាំតាមបច្ចេកទេស១៦០០ដើម គឺនឹងក្លាយជាកំណប់ទ្រព្យដ៍ធំសម្រាប់អតិថិជនម្នាក់ៗនៅ១៥ឆ្នាំក្រោយ។

Bopha DVD 66 Bot Konya Bong Saraiy

July 16, 2019 No comments

ស្វែងយល់ពីការដាំដុះដំណាំដូង ទិន្នផលខ្ពស់ ចំណូលច្រើន!!

June 07, 2019ចំការដូងក្រអូប No comments

ដូងជាប្រភេទដំណាំយថាផល ដែលពេញនិយមក្នុងការទទួលទានទឹកផ្លែខ្ចី និងយកខ្ទិះផ្លែទុំ។

ក្រៅពីផ្លែដូង ផ្នែកផ្សេងៗទៀតនៃដូងអាចក៏អាចផ្ដល់ផលប្រយោជន៏មានដូុចជា៖ ផ្កា ឬស ដើម ស្លឹក កំពូលឬគមដូង។

ឬសដូងអាចចាក់ចេញពីគល់ប្រមាណ១០ម៉ែត្រ ឬវែងជាងនេះ។ ផ្កាញីនិងឈ្មោល របស់ដូងគឺនៅក្នុងស្រទាប់តែមួយ។ ក្នុងមួយធ្លាយ ដូងអាចមានផ្លែពី១០ទៅ១៥ ផ្លែ។ ចន្លោះពីពេលចេញផ្ការរហូតដល់ផ្លែទុំអាចមានរយៈពេលពី ១០ ទៅ ១២ ខែ។

សីតុណ្ហភាពជាមធ្យមសម្រាប់លូតលាស់គឺ ២០ ទៅ ៣៨ អង្សាសេ។

កំដៅថ្ងៃកាន់តែវែង កាន់តែល្អប្រសើរដល់ការលូតលាស់ និងទិន្នផល។

ដូងត្រូវការសំណើមខ្ពស់ពី ៨០ ទៅ ៩០ ភាគរយ តិចណាស់ក៏ ៦០ ភាគរយដែរ។

ដូងត្រូវការដីធូរជ្រៅនិងស្រោះទឹកល្អ ជាដីល្បាប់លាយដីឥដ្ឋមានជីិជាតិ និងមាន pH ក្រោម ៤.៥។

ការជ្រើសរើសពូជ៖

ពូជត្រូវជ្រើសចេញពីធ្លាយដែលមានផ្លែច្រើន សាច់ក្រាស់ ផ្លែធំនិងទុំល្អ។ មុនយកទៅបណ្ដុះត្រូវទុកដូងពូជនោះកុំឲ្យត្រូវទឹកភ្លៀង និងជាកន្លែងដែលមានខ្យល់ចេញចូលល្អ។

ការបណ្ដុះកូន៖

មុននឹងដាំត្រូវបណ្ដុះឲ្យដុះក្នុងរយៈពេលពី ៤ ទៅ ៥ ខែសិន។ ដាក់ផ្លែដូងឲ្យជ្រុងខាងធំរបស់ផ្លែនៅខាងលើ ទើបធ្វើឲ្យពន្លកដូងដុះចេញបានល្អនិងលូតលាស់បានប្រសើរ។

ការដាំដុះ៖

ក្នុងដីមួយហិចតា សម្រាប់ដូងពូជធំអាចដាំពី ១៤០ ទៅ ១៤៣ ដើម។ ចំពោះដូងពូជតូចវិញគឺ ១៦០ដើម។ ត្រូវដាំជារាងមុំចង្ក្រានចំងាយពីដើមមួយទៅដើមមួយ ៥ ម៉ែត្រនិងចន្លោះជួរ ៧.៨០ម៉ែត្រសម្រាប់ពូជដើមធំ។ ចំពោះពូជដើមតូចចន្លោះពីមួយដើមទៅមួយដើម ៣ ម៉ែត្រ និងចន្លោះជួរ ៧.៣០ម៉ែត្រ។

ការដាក់ដាំមិនត្រូវកប់កូនដូងឲ្យលប់គល់ជ្រៅពេកទេ។ ដាក់ដាំដោយយកចំបើងគ្របគល់វា ដើម្បីរក្សាសំណើមបានយូរ។ ស្លឹកដែលជ្រុះមកអាចយកទៅដាក់តាមចន្លោះជួរដើម្បីឲ្យរលួយក្លាយជាជី។

ដូងដែលដុះល្អអាចឲ្យផលក្នុងឆ្នាំទី ៤ ឬទី៥។

ការដាក់ជី៖

ជីសរីរាង្គ៖ គេអាចដាក់ជីអាចម៍គោប្រហែល ៥០ គីឡូក្រាមក្នុងមួយដើមមួយឆ្នាំ។ ដាក់ជាគម្របដី ឬដាក់ជីនេះក្នុងរណ្ដៅចន្លោះជួរ។

ជីគីមី៖ ត្រូវដាក់ជីកុំឲ្យប៉ះគល់ដូងដែលនៅតូច។ ដាក់តាមរណ្ដៅជម្រៅប្រហែល ៣០ ទៅ ៥០ ស.ម ចំងាយពីគល់ ០.៥ ទៅ ២ ម៉ែត្រ។

ការដាក់ជីគីមីលើដំណាំដូងអាចអនុវត្តបានពីរដង។ លើកទីមួយនៅដើមរដូវវស្សា លើកទីពីរនៅចុងរដូវភ្លៀង។

ជាតិសេដ្ឋកិច្ចអភិបាលខេត្តកំពត ចង់ពង្រីកការនាំចេញទុរេន ស្វាយ មៀន តាង៉ែន ទៅផ្សារអឺរ៉ុប ឲ្យដូចម្រេចដែរ

June 07, 2019ចំការធូរេន No comments

ដោយ: សៅ សុខអេង

ភ្នំពេញ៖ អភិបាលខេត្តកំពត លោក ជាវ តាយ បានជំរុញឲ្យអ្នកវិនិយោគគិនទាំងក្នុង និងក្រៅប្រទេសបណ្តាក់ទុនវិនិយោគវិស័យកសិកម្ម និងពង្រឹងការសហការនាំចេញផលិតផលដែលមាននៅខេត្តកំពតបន្ថែមទៀត ដើម្បីជួយឲ្យផលិតផលខ្មែរមានការនាំចេញទៅទីផ្សារអន្តរជាតិឲ្យកាន់តែសន្ទុះឡើង។ ទីភ្នាក់ងារសារព័ត៌មានកម្ពុជា (AKP_ បានស្រង់សម្តីលោក ជាវ តាយ អភិបាលខេត្តកំពតថា ដំណាំដែលកំពុងនាំចេញទៅផ្សារអន្តរជាតិខ្លាំងជាងគេ គឺម្រេចកំពត ដែលជាផលិតផលសម្គាល់ភូមិសាស្ត្រនៅសហភាពអឺរ៉ុប។

លោក ជាវ តាយ អភិបាលខេត្តកំពត បានបញ្ជាក់ថា ខេត្តកំពតជាខេត្តមានសក្តានុពលលើដំណាំនាំចេញមួយចំនួនដូចជា ម្រេច ទុរេន មៀន ស្វាយ តាង៉ែន និងដំណាំហូបផ្លែជាច្រើនទៀត ដែលទទួលបានការគាំទ្រពីទីផ្សារបរទេស។ លោកបានបន្ថែមថា ខេត្តកំពត គឺជាច្រកមួយសម្រាប់នាំចេញទំនិញកសិកម្មទៅកាន់ក្រៅប្រទេស តាមរយៈកំពង់ផែចំនួន៤ និងកំពង់ផែទឹកជ្រៅ១៤ម៉ែត្រ របស់លោក វិញ ហួរ ,កំពង់ផែរបស់លោក ទ្រី ភាព និងកំពង់ផែទេសចរណ៍អន្តរជាតិ ដែលអនុញ្ញាតឲ្យនាវាមកពីប្រទេសវៀតណាម និងថៃចូលចតបាន។

ក្រៅពីម្រេចកំពត ជាដំណាំគោលរបស់ខេត្តកំពត ផ្លែទុរេន ក៏ជាដំណាំដែលតំណាងឲ្យខេត្តនេះផងដែរ ប៉ុន្តែដំណាំនេះមិនទាន់មានការដាំដុះជាលក្ខណៈវិនិយោគទ្រង់ទ្រាយធំនៅឡើយទេ ភាគច្រើនជាការដាំដុះលក្ខណៈគ្រួសារតែប៉ុណ្ណោះ។ ដូច្នេះហើយ វាមិនអាចឆ្លើយតបនឹងតម្រូវការទូទាំងប្រទេសបានឡើយទេ។ នេះជាការលើកឡើងរបស់លោក ជាវ តាយ អភិបាលខេត្តកំពត។

លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានកត់សម្គាល់ថា ការនាំចេញដំណាំម្រេច មៀន តាង៉ែន ស្វាយចន្ទី និងស្វាយកែវរមៀត ត្រូវបានទទួលស្គាល់ជាលក្ខណៈជាតិ និងអន្តរជាតិ។ ចំណែក ផលិតបន្លែក៏មានសក្តានុពលដូចគ្នា ប៉ុន្តែមិនទាន់មានការនាំចេញប្រសើរឡើងទេទៅកាន់ទីផ្សារអឺរ៉ុប។

ត្រង់ចំណុចនេះ លោក វេង សាខុន បានបញ្ជាក់ថា កម្ពុជានៅមិនទាន់មានក្រុមហ៊ុនយន្តហោះដែលអាចដឹកបន្លែពីកម្ពុជាទៅកាន់ទីផ្សារអឺរ៉ុបដោយផ្ទាល់ឡើយ ហើយម្យ៉ាងទៀតព្រលានយន្តហោះកម្ពុជានៅមានទំហំតូចនៅឡើយដែលជាការលំបាកសម្រាប់ការនាំចេញ។ លោកយល់ថា នៅពេលដែលកម្ពុជាមានព្រលានយន្តហោះធំនោះ កម្ពុជានឹងអាចនាំបន្លែកាន់តែច្រើនទៅកាន់ទីផ្សារអឺរ៉ុបបាន៕

ពន្ធកាត់ទុក១% ត្រូវបាន សម្ដេច តេជោ សម្រេចលុបចោល ជាផ្លូវការចាប់ពីថ្ងៃនេះហើយ!

May 30, 2019 No comments

ក្រសួងសេដ្ឋកិច្ច និងហិរញ្ញវត្ថុ បានចេញសេចក្ដីប្រកាសថា នឹងធ្វើការលុបចោលនូវ ពន្ធកាត់ទុកឬពន្ធហៅផ្សេងទៀតថា ពន្ធអប្បបរមា១% បន្ទាប់ពីសម្ដេច តេជោ ហ៊ុន សែន សម្រេចឲ្យ លុបចោលពន្ធកាត់ទុក១% កាលពីម្សិលមិញ ពីទីក្រុងតូក្យូ ប្រទេសជប៉ុន។

បើតាមសេចក្ដីប្រកាសរបស់ ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា រាជរដ្ឋាភិបាលបានសម្រេចលើកលែងពន្ធអប្បបរមា ១% ចំពោះគ្រប់សហគ្រាសដែលជាអ្នកជាប់ពន្ធតាមរបបស្វ័យប្រកាស ដែលបានបំពេញកាតព្វកិច្ចសារពើពន្ធ ត្រឹមត្រូវក្នុងគោលបំណងទាក់ទាញ និងលើកទឹកចិត្តដល់វិនិយោគិន ដែលប្រកបអាជីវកម្មនៅព្រះរាជាណាចក្រកម្ពុជា។

ក្រសួងក៏បានបញ្ជាក់ថា ដើម្បីទទួលបានការលើកលែងពន្ធនេះ គ្រប់សហគ្រាសត្រូវអនុវត្តតាមវិធាន និងនីតិវិធីដែលមានចែងក្នុងប្រកាសលេខ ៦៣៨ សហវ.ប្រក ចុះថ្ងៃទី០៤ ខែកក្កដា ឆ្នាំ២០១៧ របស់ ក្រសួងសេដ្ឋកិច្ច និងហិរញ្ញវត្ថុ ស្ដីពី លក្ខណៈ វិនិច្ឆ័យ នៃការកាន់កាប់បញ្ជិកា គណនេយ្យមិនត្រឹមត្រូវ និងនីតិវិធីនៃការបង់ពន្ធ អប្បបរមា។

ក្រសួងសង្ឃឹមថា សហគ្រាសទាំងអស់នឹងខិតខំប្រឹងប្រែង អនុវត្តនូវកាតព្វកិច្ចសារពើពន្ធឲ្យបានខ្ជាប់ខ្ជួន ពិសេសកាន់បញ្ជិកាគណនេយ្យឲ្យបានត្រឹមត្រូវ ស្របតាមច្បាប់ និងច្បាប់ស្តីពីគណនេយ្យ និងសវនកម្មនៃកម្ពុជាជាធរមាន។

អត្ថបទដោយ៖ ហុង

🙏ជំរាបសួរអតិថិជនទាំងអស់ជាទីស្រលាញ់ថ្ងៃនេះសូមណែនាំអំពីរមណីយដ្ឋានឋានព្រះឥន្ទដែលនឹងក្លាយជាកន្លែងទេសចរណ៍មួយដែលមានសក្តានុពលបំផុតនៅថ្ងៃអនាគត

May 21, 2019 No comments

ជំរាបសួរអតិថិជនទាំងអស់ជាទីស្រលាញ់ថ្ងៃនេះសូមណែនាំអំពី៖🇰🇭🇰🇭🌺🌷🌲

រមណីយដ្ឋានឋានព្រះឥន្ទដែលនឹងក្លាយជាកន្លែងទេសចរណ៍មួយដែលមានសក្តានុពលបំផុតនៅថ្ងៃអនាគត
ជាពិសេសទៅទៀតរមណីដ្ឋាននឹងរចនានូវ៖

๑. ផ្ទះលំហែលកាយ លំហែអារម្មណ៍បែបស្រុកស្រែ🌻🌺
๒. ក្យុះតាមមាត់បឹង
๓. ជិះទូកតាមដងព្រែក
๔. ចំការផ្កាឈូករត្ន័
๕. សួនផ្លែឈើចំរុះ
๖. ឆ្នេរមាត់សមុទ្រ
๗. កន្លែងស្ដួចត្រី
๘. ផ្សារកសិផល
๙. កន្លែងបោះតង់កំសាន្តចិត្ត
๑๐. សាលប្រជុំ
๑๑. ភោជនីដ្ឋានលើវាលស្រែ
๑๒. កន្លែងថត Pre Wedding
๑๓. BBQលើវាលស្រែ
๑๔. Art Gallery
๑๕. កន្លែងលេងបាលទាត់លើវាលខ្សាច់
๑๖. និងកន្លែងវាយកូនហ្គូល។

™ បន្ថែមមកទៀតគឺមានសមុទ្រចំការកសិកម្មធម្មជាតិនៅជុំវិញរម្មណីយដ្ឋានពោលពេញទៅធម្មជាតិ ខាងក្រោយ មានទឹកធ្លាក់ ខាងមុខមានសួនក្ងោក ទន្សាយ ឈ្លូស ប្រើស ក្តាន់ ក្នុងព្រៃធម្មជាតិ
🍂 ១ ខ្នង មាន ២ បន្ទប់ ១ បន្ទប់ មានគ្រែ ២
🍂 នេះជាផ្ទះដែលរកចំណូលអោយម្ចាស់រាល់ថ្ងៃ
🍂សង់ស្រាប់ រកភ្ញៀវអោយស្រាប់ បង់រំលោះយូឆ្នាំ
™#ព័ត៌មានបន្ថែមសូមទំនាក់ទំនងតាមរយះលេខទូរស័ព្ធ
©092744948
©010724695
©0719395888
®[សូមអរគុណច្រើន]

#បច្ចេកទេសដាំដូងក្រអូបឆាប់បានផ្លែនិងផ្លែបានច្រើនផ្លែធំល្អអាចរកប្រាក់បានចាប់ពី5000💲-8000💲 ឯណោះ! ក្នុងមួយហិកតា/ឆ្នាំ

May 21, 2019ចំការដូងក្រអូប No comments

👉អាចរកប្រាក់បានចាប់ពី5000💲-8000💲 ឯណោះ! ក្នុងមួយហិកតា/ឆ្នាំ
#បើមានចំការដូង១ហិចតាតើអាចជួយអ្វីខ្លះដល់ម្ចាស់ចម្ការ?

🔄. #វិធីដាំ៖🌴
⛳ ត្រូវជីករណ្តៅ ១ម៉ែត្រ៤ជ្រុង ជំរៅមួយម៉ែត្រ បើធំ និងជ្រៅជាងនេះកាន់តែល្អ
⛳ លាយដីល្អជាមួយជីកំប៉ុស្ត៍ កំទេចស្លឹកឈើងាប់ ដាក់ចូលអោយពេញរណ្តៅ
⛳ ដីដាំដូង ត្រូវមានដង្ហើមទឹករាក់ៗ ចាប់ពី ៣ម៉ែត្រ ទៅ ៨ម៉ែត្រ គិតពីនីវ៉ូទឹក មកដីខាងលើ
⛳ ដីមិនលិចទឹក តែមានសំណើមទឹក និងជាតំបន់ឧស្សាហ៍មានភ្លៀងធ្លាក់
⛳ រៀប ប្រព័ន្ធតំណក់ទឹក ឬ ប្រព័ន្ធទឹកសាច ឬកាយប្រឡាយទឹក ដែលប្រឡាយទឹកចំណាយច្រើន ប្រព័ន្ធទឹកសាចចំណាយមធ្យម និងប្រព័ន្ធតំណក់ទឹក ចំណាយតិចជាងគេ

⛳ ថែមជីកំប៉ុស្ត៍ និងជី NPK ជារៀងរាល់ឆ្នាំ
⛳ ដាក់តំណក់ទឹករៀងរាល់ថ្ងៃ នៅរដូវក្តៅ ឬទឹកសាច រៀងរាល់៣ថ្ងៃម្តង។

⛳ ភ្ជួរជ្រោយដី និងកាត់ស្មៅរៀងរាល់ឆ្នាំ
⛳ ដាក់អំបិល ជុំវិញគល់ ដើម្បីការពារពីសត្វល្អិតស៊ីឬសដួង និងបន្សាបជាតិអាស៊ីតតរបស់ដី
🚭 ហាមដុតភ្លើងក្នុងចំការដូង

♻ ចំណាំ ជីកំប៉ុស្ត៍ និងទឹកគ្រប់គ្រាន់ ១៥លីត្រក្នុងមួយដើមជារៀងរាល់ថ្ងៃ នៅរដូវក្តៅសំខាន់ណាស់ ជាកត្តាកំណត់អោយជោគជ័យ នៃដំណាំដូង។

🚰 ប្រព័ន្ធតំណក់ទឹក ជួយសំលាប់សត្វល្អិត នៅខាងក្រោមឬសដូង ជួយអោយដូងលូតលាស់បានល្អ ផ្លែឆាប់ធំ ផ្លែបានច្រើន ផ្លែធំល្អ ផ្លែមានទឹកច្រើន។

💧 ជីកំប៉ុស្ត៍ ជួយដល់ការលូតលាស់បានល្អ រស់ជាតិទឹក និងសាច់ឆ្ងាញ់ សាច់ក្រាស់ មានរ៉ែច្រើន មានវីតាមីនច្រើន និងដូងមានប្រេងច្រើន ផ្លែច្រើន ផ្លែធំល្អ ជាពិសេសធ្វើអោយដើមដូងមានសុខភាពរឹងមាំល្អ។

💧 បើគ្មានទឹក និងជីកំប៉ុស្ត៍ទេ ពុកម៉ែបងប្អូន កុំសង្ឃឹមថាដាំដូងបានជោគជ័យអោយសោះ!
🌴ដូងខ្ចី បច្ចុប្បន្ននៅខ្មែរយើង ២៥០០រៀល បោះដុំ ១៥០០រៀល ទៅ ១៨០០រៀល។ ទិញនៅចំការ ចាំរាប់ផ្លែ យកលុយស្រាប់ មួយផ្លែ ចាប់ពី ៧០០រៀល ទៅ ១២០០រៀល។

👉💲ធានាអោយតែដាក់ទឹក និងជីកំប៉ុស្ត៍ ប្រាកដជានឹងទទួលបានចំណូល ចាប់ពី5000$ ទៅ 8000$ ក្នុងមួយហិចតា ក្នុងមួយឆ្នាំ តាមខ្នាត ដូងក្រអូប 6x6 m និងដូងធម្មតា 8x8m។
👉សូមកុំភ្លេចថា ហ្វីលីពីន ដាំដូង បានចំណូលលើសខ្មែរដាំស្រូវទៅទៀត។
ប្រភពលោក កាន់ ចន្ធី
បន្ថែម៖ សំរាប់ការដាំបែបលើករោង
ផ្លង់ទី១ ទទឹងរោង 6.9 ម៉ ទទឹងប្រឡាយទឹក 6.9 ម៉ ទទឹងរវាងការដាំ 8 ម៉ បាទ
ផ្លង់ទី២ ទទឹងរោង 9.9 ម៉ ទទឹងប្រឡាយ 3.9 ម៉ រយះដាំពីមាត់ប្រឡាយ 1.5 ម៉ រយះរវាងដើម 8 ម៉
យើងនិងសល់ ប្រលោះកណ្ដាលសំរាប់ធ្វើការ 6.9 ម៉ បាទ បើមើលថែល្អ រយះពេល៣ឆ្នាំ បានទទួលផលហើយបាទ។
ពិភព អចលនទ្រព្យខ្មែរ Khmer Real Estate
#ឋានព្រះឥន្ទ

ចំការដំណាំ - Green Crop Market

ប្រភេទចំការ

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

គួរដឹង! មកស្គាល់ផ្កាតំណាងប្រទេសទាំង ១០ ក្នុងតំបន់អាស៊ាន

ចេកអំបូងលឿងកម្ពុជា ដែលនាំចេញទៅកាន់ទីផ្សារចិន កំពុងទទួលបានការគាំទ្រយ៉ាងខ្លាំងពីប្រជាជនចិន

ចម្ការក្រញូងរាប់ម៉ឺនដើម ត្រៀមលេចរូបរាងនៅកម្ពុជាសម្រាប់បងប្អូនកម្ពុជាទាំងអស់គ្នា

Bopha DVD 66 Bot Konya Bong Saraiy

ស្វែងយល់ពីការដាំដុះដំណាំដូង ទិន្នផលខ្ពស់ ចំណូលច្រើន!!

ជាតិសេដ្ឋកិច្ចអភិបាលខេត្តកំពត ចង់ពង្រីកការនាំចេញទុរេន ស្វាយ មៀន តាង៉ែន ទៅផ្សារអឺរ៉ុប ឲ្យដូចម្រេចដែរ

ពន្ធកាត់ទុក១% ត្រូវបាន សម្ដេច តេជោ សម្រេចលុបចោល ជាផ្លូវការចាប់ពីថ្ងៃនេះហើយ!

Translate

Pageviews past week

Popular Posts

Labels

Blog Archive

Recent Posts

Pages

Theme Support

Contact ME

Followers

ME LOVE YOU