លោក ជាវ តាយ ចៅហ្វាយខេត្តកំពត ក៏បានស្នើដល់អ្នកវិនិយោគិនធំៗ ឲ្យងាកមកចាំអារម្មណ៍លើការវិនិយោគ ដាំដុះធុរេន នៅខេត្តកំពត ឲ្យបានកាន់តែច្រើនថែមទៀត ខណៈដែលបច្ចុប្បន្ន ដំណាំនេះ ហាក់នៅមានតម្លៃខ្ពស់គួរសម បើធៀបនឹងដំណាំផ្សេងទៀត ដូចជា ស្រូវ ស្វាយ កៅស៊ូ និងដំឡូងជាដើម។
លោក ជាវ តាយ បាន គូសបញ្ជាក់ទៀតថា ខេត្តកំពត មានស្ថានភាពអំណោយផលសម្រាប់ការដាំដុះធ្វើការកសិកម្ម ខណៈដែលការធ្វើកសិកម្មនៅក្នុងខេត្តមួយនេះ មានរហូតដល់ ជាង ៦០% ។ ម្យ៉ាងទៀត លោកថា ការដែលលោកជំរុញឲ្យវិនិយោគិនធំៗងាកមកវិនិយោគដាំដុះធុរេននៅខេត្តកំពតនេះ គឺដោយសារតែ លោកយល់ឃើញថា ធុរេនអាចលក់ចេញបានក្នុងតម្លៃខ្ពស់ និងមានតម្រូវការក្នុងស្រុកផង និងអាចធ្វើការនាំចេញ ទៅក្រៅប្រទេសផងដែរ។
អត្ថបទទាក់ទង!
ទោះយ៉ាងណា អភិបាលខេត្តកំពតរូបនេះ មិនអាចបញ្ជាក់បានទេ អំពីទំហំ ផ្ទៃដីដាំដុះធុរេននៅខេត្តនេះ ដោយសារតែវាគឺភាគច្រើនធ្វើឡើងជាលក្ខណៈគ្រួសារ និងឯកជនតូចៗ។ ប៉ុន្ដែ លោកថា បច្ចុប្បន្ន ខេត្តកំពតនេះ មានតំបន់ដីសម្បទានកសិកម្មចំនួន៤ កន្លែងធំៗ ដែលមានផ្ទៃដីធ្វើការសិកម្មរាប់ម៉ឺនហិកតាឯណោះ។
ដោយសារតែផលិតផលធុរេនកំពតមិនអាចបំពេញតម្រូវការបានពេញលេញ បច្ចុប្បន្ន ធុរេន ដែលបានចរាចរណ៍លក់ពេញទីផ្សារនេះ ក៏មានមួយផ្នែកធំមកបាននាំចូលពីប្រទេសជិតខាង ដូចជា ថៃ និងវៀតណាមជាដើម។
អត្ថបទគួរអាន!
កសិករ និងជាអ្នកលក់ធុរេន នៅស្រុកទឹកឈូ លោក លី រ៉ាវុធ បានលើកឡើងថា មកទល់នឹងខែ ឧសភានេះ ធុរេន កំពត បានប្រមូលផលស្ទើរតែអស់ហើយ បើនៅក៏មានតិចតួចដែរ ។ លោកបន្តថា កន្លងមកពិតជាមានធុរេន ដែលបាននាំចូលពីប្រទេសជិតខាង យកមកលក់នៅក្នុងខេត្តកំពតតាមផ្សារនានា ពិតមែន ប៉ុន្ដែ លោកថា សម្រាប់តំបន់ទេសចរណ៍ដូចជាទឹកឈូ និងទឹកធ្លាក់តាដា ជាដើម គឺខាងអាជ្ញាធរមិនបានអនុញ្ញាតឲ្យធុរេននាំចូលពីខាងក្រៅមកលក់នោះឡើយ។ លោកថា រ៉ាវុធ បន្តថា បើអ្នកនិយមចូលចិត្ត ធុរេនកំពត និងខ្លាចទិញប៉ះចំធុរេននាំចូល ពួកគាត់អាចអញ្ចើញមកកម្សាន្ដនៅតំបន់ទេសចរណ៍ទឹកឈូ និងតាដានេះ ដើម្បីទទួលបានធុរេនកំពតពិតៗ។
អត្ថបទពិសេស!
ម្ចាស់ចម្ការធុរេន នៅស្រុក ទឹកឈូ ខេត្ត កំពត បានប្រាប់ឲ្យដឹងថា នៅឆ្នាំនេះ តម្លៃ ធុរេន កំពតដែលក់នៅមុខចម្ការផ្ទាល់ គឺមានតម្លៃល្អ ពោលគឺមានប្រមាណ ២០.០០០ ម៉ឺន ទៅ២៥.០០០ រៀល ក្នុងមួយគីឡូក្រាម។ លោកថា ឆ្នាំនេះ ដោយសារតែធុរេន មានតម្លៃល្អ សម្រាប់ផ្ទៃដី ដាំធុរេន១ហិកតា លោកអាចរកចំណូលបានប្រមាណជាង ១ម៉ឺនដុល្លារអាមេរិក។
បើយើងក្រឡេកទៅមើលទីផ្សារដែលមាននាំចូលធុរេន បច្ចុប្បន្ន គឺប្រទេសចិនកំពុងមានតម្រូវការនាំចូលធុរេនច្រើនគួរសម ខណៈដែលថ្មីៗនេះ ថៃ គឺជាប្រទេសផ្គត់ផ្គង់ធុរេន ទៅកាន់ប្រទេសចិនយ៉ាងច្រើនក្នុងមួយឆ្នាំ។ ទោះយ៉ាងណា រសជាតិផ្លែធុរេន មិនមែនសុទ្ធតែត្រូវចំណង់ចំណូលចិត្តអតិថិជនគ្រប់បណ្ដាប្រទេសនោះទេ នៅឯប្រទេសប៉ែកអឺរ៉ុប និងអាមេរិកវិញ ផ្លែធុរេន គឺមិនមានអ្នកនិយមទទួលទាននោះឡើយ។ ដូច្នេះ បើចង់ដាំដុះនាំចេញ គេអាចសម្លឹងមើលទៅកាន់ទីផ្សារប្រទេសតំបន់អាស៊ីពិសេស គឺប្រទេសចិនតែម្ដង។
អត្ថបទទាក់ទង!
គួរបញ្ជាក់ថា បច្ចុប្បន្ន ខេត្ត ដែលមានដាំដុះធុរេន ច្រើនជាងគេ គេខេត្តកំពត កំពង់ចាម កោះកុង និងខេត្តបាត់ដំបងជាដើម។ ប៉ុន្ដែ ធុរេនដែលលក់បានក្នុងតម្លៃ និងមានរសជាតិឈ្ងុយឆ្ងាញ់នោះ ត្រូវបានអ្នកដែលនិយមទទួលទាន បានឲ្យដឹងថា គឺច្រើនតែធុរេនដែលដាំដុះនៅខេត្តកំពត៕
No comments:
Post a Comment