ប្រទេសម៉ាឡេស៊ីក៏មានធុរេន ប្រទេសថៃក៏មានទុរេន ប្រទេសកម្ពុជាក៏មានទុរេនដែរ ប៉ុន្តែប្រទេសដែលអាចទាញចំណូលបានច្រើនជាងគេនោះប្រហែលជាគ្មានប្រទេសណាអាចដណ្តើមពានទុរេនឈ្នះប្រទេសថៃនោះទេ ហើយក្រុមហ៊ុនលក់អនឡាញល្បីៗនៅចិនកំពុងតែដណ្តើម ចូលមកទិញធុរេនរបស់ថៃ ដែលធ្វើអោយប្រទេសមួយចំនួនកើតមន្ទិលថា ហេតុអ្វីបានជាក្រុមហ៊នអនឡាញទាំងនោះសម្លឹងឃើញតែទុរេនរបស់ថៃ។
ថៃឆ្លាតណាស់ ហើយយុទ្ធសាស្រ្តដែលគេប្រើនៅក្នុងការលក់ទុរេនរបស់គេ គេហៅថាយុទ្ធសាស្រ្តមេអំបៅ ដែលទាក់ទាញបានហ្វូងឱម៉ាល់ធំំអោយចូលមកធ្វើទីផ្សារទូរេននៅក្នុងប្រទេសរបស់ខ្លួន កើនឡើងពីមួយឆ្នាំទៅមួយឆ្នាំ។ ថែសួនអោយល្អមេអំបៅនឹងហោះមក យុទ្ធសាស្រ្តមួយនេះថៃព្យាយាមពង្រឹងគុណភាពទុរេននៅក្នុងប្រទេសខ្លួនអោយកាន់តែមានគុណភាពខ្ពស់ ដើម្បីទាក់ទាញទីផ្សារធំៗរបស់ពិភពលោក ដែលនិយមទទួលទានទុរេន អោយកាន់តែស្គាល់ប្រទេសថៃ។
ថៃពូកែខាងបច្ចេកទេស (Deal Contract) ដែលធ្វើអោយ Alibaba និង JD.Com ជឿទុកចិត្តហ៊ានទម្លាក់លុយវាល់លានដុល្លារអាមេរិក ដើម្បីទិញទុរេនពីប្រទេសថៃជារឿងរាល់រដូវកាល។ រាល់ការបញ្ជាទិញធំៗរបស់ក្រុមហ៊ុនអនឡាញចិន គឺប្រទេសថៃហា៊ទទួលយកគ្រប់លក្ខខណ្ឌទាំងអស់ដែលប្រទេសចិនបញ្ចាទិញ ទាំងគុណភាពទុរេន ទាំងរយៈពេលផ្គត់ផ្គង់ បរិមាណគ្រប់គ្រាន់មិនខ្វះខាត ហើយថៃអាចផ្គត់ផ្គង់ទៀងទាត់ទាត់គ្រប់ចំនួនទុរេន ដែលប្រទេចិនចង់បាន។
មួយវិញទៀតប្រទេសថៃជាប្រទេស ដែលមានប្រជាជនច្រើន ដែលជាសក្តានុពលមួយល្អនៅក្នុងការផលិត កសិផលទុរេន ដែលជាហេតុធ្វើអោយទំហំនៃការផ្គត់ផ្គង់ផលិតផលទុរេនក៏បានកាន់តែធំផងដែរ។ ដោយឡែករដ្ឋថៃក៏មានចំណែកនៅក្នុងការចូលរួបបំផុសចលនាទីផ្សារ និងគាំទ្រផ្នែក SME ក្នុងការជួយឧបបត្ថមដល់អាជីវកម្មដំបូងផងដែរ។
គួរបញ្ចាក់ផងដែរថា Alibaba ជាអធិរាជអនឡាញលេខ១ និង JD.com គឺជាស្តេចត្រាញ់លេខ ២ នៅក្នុងវិស័យការលក់អនឡាញនៅក្នុងប្រទេសចិន ហើយក្រុមហ៊ុនទាំងពីរនេះបានរកចំណូលអោយនប្រទេសចិន និងប្រទេសនានាផ្សេងទៀតបានជាច្រើនពាន់លានដុល្លារក្នុងមួយឆ្នាំៗ។
No comments:
Post a Comment